Pratakoł na redaktara Hrodna.life za repost «ekstremisckaha» telehram-kanała adpravili ŭ sud
Leninski RAUS Hrodna rychtuje da pieradačy ŭ sud administratyŭny pratakoł u dačynieńni hałoŭnaha redaktara hrodzienskaha infarmacyjnaha partała Hrodna.life Alaksieja Šoty. Žurnalista vyklikali ŭ RAUS dla praviadzieńnia apytańnia, paviedamlaje BAŽ.
hrodna.life
Tam jamu vydali kopiju pratakoła ab administracyjnym parušeńni, praduhledžanym č. 2 art. 17.11 KaAP — raspaŭsiud infarmacyjnaj pradukcyi, uklučanaj u respublikanski śpis ekstremisckich materyjałaŭ.
Z dakumienta vynikaje, što pratakoł jašče 1 lutaha skłaŭ načalnik adździeła achovy pravaparadku i prafiłaktyki Leninskaha RAUS Hrodna, major milicyi Alaksiej Vajcieška.
Redaktara abvinačvajuć u zachavańni z metaj raspaŭsiudu i raspaŭsiudzie materyjałaŭ telehram-kanała, jaki vosieńniu byŭ pryznany ekstremisckim.