У Гродне жанчына забыла на прыпынку каляску з дзіцём
Згадала толькі на наступны дзень.
Адбылося тое 11 чэрвеня ўвечары.
На вуліцы паўстанца 1863 г. і героя Парыжскай камуны Валера Урублеўскага жанчына знаходзілася ў кампаніі мужчыны.
Магчыма, абодва былі нецвярозыя. Пад’ехаў тралейбус, яны ў яго селі, а вазок з дзяўчынкай пакінулі на прыпынку. На выгляд дзяўчынцы было шэсць—дзевяць месяцаў.
Міліцыя, што прыбыла на месца здарэння, адвезла дзіцятка ў бальніцу. Дактары канстатавалі, што дзяўчынка здаровая. А вонкавы выгляд каляскі і стан малое паказваў, што бацькі ніякія не бамжы.
Міліцыя мяркуе, што бацькі проста забылі дзіця на прыпынку.
Мама з’явілася на наступны дзень.