U Hrodnie žančyna zabyła na prypynku kalasku ź dziciom
Zhadała tolki na nastupny dzień.
Adbyłosia toje 11 červienia ŭviečary.
Na vulicy paŭstanca 1863 h. i hieroja Paryžskaj kamuny Valera Urubleŭskaha žančyna znachodziłasia ŭ kampanii mužčyny.
Mahčyma, abodva byli niećviarozyja. Padjechaŭ tralejbus, jany ŭ jaho sieli, a vazok ź dziaŭčynkaj pakinuli na prypynku. Na vyhlad dziaŭčyncy było šeść—dzieviać miesiacaŭ.
Milicyja, što prybyła na miesca zdareńnia, adviezła dziciatka ŭ balnicu. Daktary kanstatavali, što dziaŭčynka zdarovaja. A vonkavy vyhlad kalaski i stan małoje pakazvaŭ, što baćki nijakija nie bamžy.
Milicyja miarkuje, što baćki prosta zabyli dzicia na prypynku.
Mama źjaviłasia na nastupny dzień.