У Каларада хлопца не запрасілі на дзень нараджэння. Ён прыйшоў і застрэліў сваю дзяўчыну і пяць чалавек
Трагедыя здарылася ў мінулую нядзелю каля апоўначы ў горадзе Каларада-Спрынгс.
28-гадовы Тэадора Масіас прыйшоў з паўаўтаматычным пісталетам на святкаванне дня нараджэння ў трэйлерным парку, застрэліў сваю дзяўчыну Сандру Ібара-Перэз і яшчэ пяцярых прысутных, а потым стрэліў у сябе, піша Бі-бі-сі.
Забітыя былі двое з траіх імяніннікаў. Са слоў паліцыі, у стралка быў канфлікт з сям'ёй дзяўчыны, і ён часта раўнаваў забітую да іншых мужчын.