Да эксперта Таццяны Кузінай дапусцілі адваката
Кузіна праходзіць па крымінальнай справе, аднак паведаміць падрабязнасці адвакат не можа, бо знаходзіцца пад падпіскай аб невыдаванні, піша Tut.by.
Таццяну затрымалі вечарам у панядзелак у аэрапорце падчас праходжання пашпартнага кантролю. Раніцай паведамлялася, што яна знаходзіцца на Акрэсціна.
Каманда SYMPA/BIPART выступіла з асуджэннем затрымання Таццяны Кузінай — эксперта праекта ў сферы грамадзянскай супольнасці і публічнага адміністравання.
«Мы лічым абсалютна недапушчальнымі падобныя дзеянні, разглядаем гэта затрыманне як ціск на грамадзянскую супольнасць і экспертную супольнасць Беларусі і патрабуем неадкладнага вызвалення нашай калегі», — гаворыцца ў заяве праекта.