Da ekśpierta Taćciany Kuzinaj dapuścili advakata
Kuzina prachodzić pa kryminalnaj spravie, adnak paviedamić padrabiaznaści advakat nie moža, bo znachodzicca pad padpiskaj ab nievydavańni, piša Tut.by.
Taćcianu zatrymali viečaram u paniadziełak u aeraporcie padčas prachodžańnia pašpartnaha kantrolu. Ranicaj paviedamlałasia, što jana znachodzicca na Akreścina.
Kamanda SYMPA/BIPART vystupiła z asudžeńniem zatrymańnia Taćciany Kuzinaj — ekśpierta prajekta ŭ śfiery hramadzianskaj supolnaści i publičnaha administravańnia.
«My ličym absalutna niedapuščalnymi padobnyja dziejańni, razhladajem heta zatrymańnie jak cisk na hramadzianskuju supolnaść i ekśpiertnuju supolnaść Biełarusi i patrabujem nieadkładnaha vyzvaleńnia našaj kalehi», — havorycca ŭ zajavie prajekta.