900 фур стаяць у чарзе ў Літву. Беларускія памежнікі абвінавачваюць літоўскіх, што тыя замаруджваюць рух
Дзяржаўны памежны камітэт Беларусі паведамляе пра ўскладненую сітуацыю на мяжы з Літвой і невыкананнем з другога боку дамоўненасці па пропуску фур.
Delfi.lt
Найменшы паказчык выканання дамоўленасцяў па прапускной здольнасці — 35,6% — прыпадае на літоўскі пункт пропуску Мядзінінкай (з беларускага боку — Каменны Лог), а найбольшы — на пункт пропуску Шальчынінкай (сумежны беларускі Беняконі). Праз яго ў Літву прайшло 97,6% пэўнага бакамі колькасці грузавікоў, паведамляе ДПК.
Так, у Каменным Логу стаіць у чарзе 340 фур, у Прывалцы — 210, у Беняконях — 200, у Катлоўцы — 120, у Відзах — 30.
Разам з тым ва Украіну і Латвію грузавы транспарт выязджаў без затрымак. Прапускная здольнасць, пэўная двухбаковымі дамоўленасцямі з гэтымі краінамі, выкананая цалкам, канстатуе ДПК.