900 fur stajać u čarzie ŭ Litvu. Biełaruskija pamiežniki abvinavačvajuć litoŭskich, što tyja zamarudžvajuć ruch
Dziaržaŭny pamiežny kamitet Biełarusi paviedamlaje pra ŭskładnienuju situacyju na miažy ź Litvoj i nievykanańniem z druhoha boku damoŭnienaści pa propusku fur.
Delfi.lt
Najmienšy pakazčyk vykanańnia damoŭlenaściaŭ pa prapusknoj zdolnaści — 35,6% — prypadaje na litoŭski punkt propusku Miadzininkaj (ź biełaruskaha boku — Kamienny Łoh), a najbolšy — na punkt propusku Šalčyninkaj (sumiežny biełaruski Bieniakoni). Praź jaho ŭ Litvu prajšło 97,6% peŭnaha bakami kolkaści hruzavikoŭ, paviedamlaje DPK.
Tak, u Kamiennym Łohu staić u čarzie 340 fur, u Pryvałcy — 210, u Bieniakoniach — 200, u Katłoŭcy — 120, u Vidzach — 30.
Razam z tym va Ukrainu i Łatviju hruzavy transpart vyjazdžaŭ biez zatrymak. Prapusknaja zdolnaść, peŭnaja dvuchbakovymi damoŭlenaściami z hetymi krainami, vykananaja całkam, kanstatuje DPK.