Міністр абароны Украіны: Крэмль не хоча прызнаць сваё фіяска
Міністр абароны Украіны Аляксей Рэзнікаў апублікаваў у сябе ў Фэйсбуку допіс, у якім напісаў пра «фіяска расійскай арміі» і заявіў, што перамога Украіны блізкая.
Да пачатку вайны Аляксей Рэзнікаў з'яўляўся выключна ў цывільным адзенні
Вось некаторыя цытаты:
— Крэмль пакуль не хоча прыняць і прызнаць сваё фіяска. Але гэты час ужо блізкі.
— Незадаволенасць і дэмаралізацыя сярод акупацыйных войскаў узмацняецца. Да іх прыходзіць прасвятленне, як і да некаторых расійскіх алігархаў. Усё больш выпадкаў нежадання ваяваць.
— На пэўных напрамках нашы воіны пераходзяць у контратакі, вораг губляе дзясяткі адзінак тэхнікі, проста кідае яе і бяжыць. Тым самым папаўняючы наш парк тэхнікі. Вораг гіне ад сваёй жа зброі.
— Крэмль канчаткова кінуў спробы схаваць свае намеры — яны прыйшлі знішчаць нашу краіну, знішчаць наш народ. У іх нічога не атрымаецца.