Ministr abarony Ukrainy: Kreml nie choča pryznać svajo fijaska
Ministr abarony Ukrainy Alaksiej Reźnikaŭ apublikavaŭ u siabie ŭ Fejsbuku dopis, u jakim napisaŭ pra «fijaska rasijskaj armii» i zajaviŭ, što pieramoha Ukrainy blizkaja.
Da pačatku vajny Alaksiej Reźnikaŭ źjaŭlaŭsia vyklučna ŭ cyvilnym adzieńni
Voś niekatoryja cytaty:
— Kreml pakul nie choča pryniać i pryznać svajo fijaska. Ale hety čas užo blizki.
— Niezadavolenaść i demaralizacyja siarod akupacyjnych vojskaŭ uzmacniajecca. Da ich prychodzić praśviatleńnie, jak i da niekatorych rasijskich aliharchaŭ. Usio bolš vypadkaŭ niežadańnia vajavać.
— Na peŭnych napramkach našy voiny pierachodziać u kontrataki, vorah hublaje dziasiatki adzinak techniki, prosta kidaje jaje i biažyć. Tym samym papaŭniajučy naš park techniki. Vorah hinie ad svajoj ža zbroi.
— Kreml kančatkova kinuŭ sproby schavać svaje namiery — jany pryjšli źniščać našu krainu, źniščać naš narod. U ich ničoha nie atrymajecca.