Міжнародны саюз біятланістаў прыпыніў працу федэрацый у Беларусі і Расіі
Як лічыць выканаўчы камітэт IBU, абедзве федэрацыі «парушылі гуманітарныя абавязацельствы федэрацый-членаў у адпаведнасці з Канстытуцыяй IBU».
Тым самым яны нанеслі шкоду рэпутацыі біятлоннага спорту і міжнароднага саюза.
Акрамя таго, выканаўчы камітэт палічыў, што паколькі расійскае ўварванне ва Украіну спыніла дзейнасць федэрацыі біятлону Украіны, было б несправядліва, калі б федэрацыі Беларусі і Расіі працягвалі карыстацца ўсімі правамі членства ў IBU.
Раней міжнародны саюз біятланістаў адхіліў беларускіх і расійскіх спартоўцаў ад спаборніцтваў.