Mižnarodny sajuz bijatłanistaŭ prypyniŭ pracu fiederacyj u Biełarusi i Rasii
Jak ličyć vykanaŭčy kamitet IBU, abiedźvie fiederacyi «parušyli humanitarnyja abaviazacielstvy fiederacyj-členaŭ u adpaviednaści z Kanstytucyjaj IBU».
Tym samym jany nanieśli škodu reputacyi bijatłonnaha sportu i mižnarodnaha sajuza.
Akramia taho, vykanaŭčy kamitet paličyŭ, što pakolki rasijskaje ŭvarvańnie va Ukrainu spyniła dziejnaść fiederacyi bijatłonu Ukrainy, było b niespraviadliva, kali b fiederacyi Biełarusi i Rasii praciahvali karystacca ŭsimi pravami členstva ŭ IBU.
Raniej mižnarodny sajuz bijatłanistaŭ adchiliŭ biełaruskich i rasijskich spartoŭcaŭ ad spabornictvaŭ.