У «вярхоўным судзе ДНР» пачаўся працэс над замежнікамі, якія ваявалі на баку Украіны
У «вярхоўным судзе ДНР» пачаўся працэс над замежнікамі, якія ваявалі на баку Украіны. Абвінавачаныя — падданыя Вялікабрытаніі Шон Пінэр і Эйдэн Эслін, а таксама падданы Марока Саадун Брагім.
Яны былі сярод тых прыкладна 3500 украінскіх вайскоўцаў, што здаліся ў палон пасля амаль трохмесячнай абароны Марыупаля.
Ім пагражае смяротнае пакаранне за нібыта наёмніцтва.