U «viarchoŭnym sudzie DNR» pačaŭsia praces nad zamiežnikami, jakija vajavali na baku Ukrainy
U «viarchoŭnym sudzie DNR» pačaŭsia praces nad zamiežnikami, jakija vajavali na baku Ukrainy. Abvinavačanyja — paddanyja Vialikabrytanii Šon Piner i Ejden Eślin, a taksama paddany Maroka Saadun Brahim.
Jany byli siarod tych prykładna 3500 ukrainskich vajskoŭcaŭ, što zdalisia ŭ pałon paśla amal trochmiesiačnaj abarony Maryupala.
Im pahražaje śmiarotnaje pakarańnie za nibyta najomnictva.