Украінскі фатограф Максім Левін, які загінуў пад Кіевам вясной, мог быць расстраляны расійскімі салдатамі
Да такой высновы прыйшлі прадстаўнікі арганізацыі «Рэпарцёры без граніц», наведаўшы меркаванае месца гібелі Левіна і яго сябра, вайскоўца Аляксея Чарнышова.
«Аналіз фатаграфій з месца злачынства, назіранні на месцы і канфіскаваныя рэчавыя доказы адназначна ўказваюць на расстрэл, якому маглі папярэднічаць допыты ці нават катаванні», — заявіў генеральны сакратар «Рэпарцёраў без граніц» Крыстаф Дэлуар.
Максім Левін перастаў выходзіць на сувязь 13 сакавіка. Яго цела знайшлі 1 красавіка ў Вышгарадскім раёне Кіеўскай вобласці. Левін супрацоўнічаў з украінскімі выданнямі, а таксама з Reuters, Associated Press, BBC.