Ukrainski fatohraf Maksim Levin, jaki zahinuŭ pad Kijevam viasnoj, moh być rasstralany rasijskimi sałdatami
Da takoj vysnovy pryjšli pradstaŭniki arhanizacyi «Reparciory biez hranic», naviedaŭšy mierkavanaje miesca hibieli Levina i jaho siabra, vajskoŭca Alaksieja Čarnyšova.
«Analiz fatahrafij ź miesca złačynstva, nazirańni na miescy i kanfiskavanyja rečavyja dokazy adnaznačna ŭkazvajuć na rasstreł, jakomu mahli papiaredničać dopyty ci navat katavańni», — zajaviŭ hienieralny sakratar «Reparcioraŭ biez hranic» Krystaf Dełuar.
Maksim Levin pierastaŭ vychodzić na suviaź 13 sakavika. Jaho cieła znajšli 1 krasavika ŭ Vyšharadskim rajonie Kijeŭskaj vobłaści. Levin supracoŭničaŭ z ukrainskimi vydańniami, a taksama z Reuters, Associated Press, BBC.