Да канца ліпеня супраць Расіі і Беларусі могуць прыняць сёмы пакет санкцый
Да канца ліпеня Еўрасаюз імкнецца ўзгадніць наступны, сёмы па ліку, пакет санкцый супраць Расіі і Беларусі. Прыняць пакет мусяць паспець да вакацый, на якія еўрачыноўнікі традыцыйна сыходзяць у жніўні, піша карэспандэнт «Радыё Свабода» ў Бруселі Рыкард Ёзвяк.
Чарговы пакет будзе тычыцца эмбарга на імпарт расійскага золата, а таксама перакрыцця шляхоў для абыходу санкцый, уведзеных раней.
Раней паведамлялася, што ў сёмым пакеце можа быць урэгуляванае пытанне транзіту санкцыйных тавараў з асноўнай часткі тэрыторыі Расіі ў Калінінградскую вобласць.