Da kanca lipienia suprać Rasii i Biełarusi mohuć pryniać siomy pakiet sankcyj
Da kanca lipienia Jeŭrasajuz imkniecca ŭzhadnić nastupny, siomy pa liku, pakiet sankcyj suprać Rasii i Biełarusi. Pryniać pakiet musiać paśpieć da vakacyj, na jakija jeŭračynoŭniki tradycyjna sychodziać u žniŭni, piša karespandent «Radyjo Svaboda» ŭ Brusieli Rykard Joźviak.
Čarhovy pakiet budzie tyčycca embarha na impart rasijskaha zołata, a taksama pierakryćcia šlachoŭ dla abychodu sankcyj, uviedzienych raniej.
Raniej paviedamlałasia, što ŭ siomym pakiecie moža być urehulavanaje pytańnie tranzitu sankcyjnych tavaraŭ z asnoŭnaj častki terytoryi Rasii ŭ Kalininhradskuju vobłaść.