Аляксей Данілаў: Калі з боку Беларусі будуць ісці войскі, яны атрымаюць такі адказ, на які не разлічвалі
Сакратар Рады нацыянальнай бяспекі і абароны Украіны Аляксей Данілаў даў інтэрв'ю тэлеканалу «Настоящее время», у якім, сярод іншага, адказаў і на пытанне пра магчымасць наступлення на Украіну з боку Беларусі расійскага альбо беларускага войска.
Аляксей Данілаў. Фота: AP Photo/Efrem Lukatsky
«Мы разумеем, што Пуцін штодня цісне на Лукашэнку, каб той пачаў узброеную агрэсію з боку Беларусі, — сказаў Данілаў. — Нам усё вядома. Нават нядаўняя сустрэча ў Сочы была на гэтую тэму. Не думаю, што Лукашэнка прыме такое рашэнне.
Але калі з боку Беларусі будуць ісці войскі, як гэта было 24 лютага, яны атрымаюць такі адказ, на які не разлічвалі».