Alaksiej Daniłaŭ: Kali z boku Biełarusi buduć iści vojski, jany atrymajuć taki adkaz, na jaki nie raźličvali
Sakratar Rady nacyjanalnaj biaśpieki i abarony Ukrainy Alaksiej Daniłaŭ daŭ intervju telekanału «Nastojaŝieje vriemia», u jakim, siarod inšaha, adkazaŭ i na pytańnie pra mahčymaść nastupleńnia na Ukrainu z boku Biełarusi rasijskaha albo biełaruskaha vojska.
Alaksiej Daniłaŭ. Fota: AP Photo/Efrem Lukatsky
«My razumiejem, što Pucin štodnia ciśnie na Łukašenku, kab toj pačaŭ uzbrojenuju ahresiju z boku Biełarusi, — skazaŭ Daniłaŭ. — Nam usio viadoma. Navat niadaŭniaja sustreča ŭ Sočy była na hetuju temu. Nie dumaju, što Łukašenka prymie takoje rašeńnie.
Ale kali z boku Biełarusi buduć iści vojski, jak heta było 24 lutaha, jany atrymajuć taki adkaz, na jaki nie raźličvali».