Сетку Synevo забаранілі прадаваць
Сетка Synevo апынулася ў дапоўненым урадам Беларусі спісе кампаній з замежным капіталам, якія забаронена прадаваць. Гэта прадугледжана пастановай Саўміна, паведамляе прэс-служба беларускага ўрада.
Фота: Synevo
«Адпаведны дакумент падпісаны ў мэтах абароны эканамічных інтарэсаў Беларусі», — заявілі ў Саўміне. Акрамя Synevo, у дапоўнены спіс патрапіла ТАА «Нерухомасць Усход».
Раней паведамлялася, што пасля сыходу з нашага рынку былога ўладальніка сеткі — шведскай кампаніі Medicover — дыягнастычныя лабараторыі Synevo ў Беларусі выкупляе расійская сетка Helix.