Sietku Synevo zabaranili pradavać
Sietka Synevo apynułasia ŭ dapoŭnienym uradam Biełarusi śpisie kampanij z zamiežnym kapitałam, jakija zabaroniena pradavać. Heta praduhledžana pastanovaj Saŭmina, paviedamlaje pres-słužba biełaruskaha ŭrada.
Fota: Synevo
«Adpaviedny dakumient padpisany ŭ metach abarony ekanamičnych intaresaŭ Biełarusi», — zajavili ŭ Saŭminie. Akramia Synevo, u dapoŭnieny śpis patrapiła TAA «Nieruchomaść Uschod».
Raniej paviedamlałasia, što paśla sychodu z našaha rynku byłoha ŭładalnika sietki — šviedskaj kampanii Medicover — dyjahnastyčnyja łabaratoryi Synevo ŭ Biełarusi vykuplaje rasijskaja sietka Helix.