Сёння — Прачыстая. У гэты дзень асвячаюць кветкі і зёлкі
Свята належыць да ліку «гадавых», «абавязковых» свят.
Фота: «Наша Ніва»
15 жніўня ў рыма-каталікоў, грэка-каталікоў і праваслаўных, якія прытрымліваюцца новаюліянскага календара, — Прачыстая (Унебаўзяцце Найсвяцейшай Панны Марыі).
У гэты дзень асвячаюць кветкі і зёлкі.
Урачыстасць Унебаўзяцця Найсвяцейшай Панны Марыі (гэта поўная назва свята ў рыма-каталікоў) з’явілася ў V ст. Грэка-каталікі называюць гэтае свята Успеннем Найсвяцейшай Багародзіцы. У народзе ж замацаваліся назвы Прачыстая, Спленне.
Свята належыць да ліку «гадавых», «абавязковых» свят.
У Польшчы і Літве сёння выхадны дзень.
У Польшчы гэты дзень таксама адзначаецца ў памяць пра перамогу над бальшавікамі пад Варшавай у 1920 годзе. Як лічыцца, гэты цуд здзейсніла заступніцтва Божай Маці.
Праваслаўныя, якія прытрымліваюцца юліянскага календара, Прачыстую (Спленне) адзначаюць 28 жніўня.