Siońnia — Pračystaja. U hety dzień aśviačajuć kvietki i ziołki
Śviata naležyć da liku «hadavych», «abaviazkovych» śviat.
Fota: «Naša Niva»
15 žniŭnia ŭ ryma-katalikoŭ, hreka-katalikoŭ i pravasłaŭnych, jakija prytrymlivajucca novajulijanskaha kalendara, — Pračystaja (Uniebaŭziaćcie Najśviaciejšaj Panny Maryi).
U hety dzień aśviačajuć kvietki i ziołki.
Uračystaść Uniebaŭziaćcia Najśviaciejšaj Panny Maryi (heta poŭnaja nazva śviata ŭ ryma-katalikoŭ) źjaviłasia ŭ V st. Hreka-kataliki nazyvajuć hetaje śviata Uśpieńniem Najśviaciejšaj Baharodzicy. U narodzie ž zamacavalisia nazvy Pračystaja, Spleńnie.
Śviata naležyć da liku «hadavych», «abaviazkovych» śviat.
U Polščy i Litvie siońnia vychadny dzień.
U Polščy hety dzień taksama adznačajecca ŭ pamiać pra pieramohu nad balšavikami pad Varšavaj u 1920 hodzie. Jak ličycca, hety cud ździejśniła zastupnictva Božaj Maci.
Pravasłaŭnyja, jakija prytrymlivajucca julijanskaha kalendara, Pračystuju (Spleńnie) adznačajuć 28 žniŭnia.