У Магілёве вучонай-эколагу далі два гады калоніі за «распальванне варожасці»
Магілёўскі абласны суд 23 жніўня вынес прысуд 47-гадовай кандыдатцы геаграфічных навук, былой загадчыцы кафедры Беларуска-расійскага ўніверсітэта Ганне Скрыган, піша Mayday.
Ганна Скрыган. Фота: сацсеткі
Суд прызнаў жанчыну вінаватай у «распальванні варожасці» (арт.130 КК РБ) і прызначыў пакаранне два гады калоніі агульнага рэжыму.
Падрабязнасці працэсу і крымінальнай справы невядомыя, суд праходзіў у закрытым рэжыме.
Ганна Скрыган — кандыдат геаграфічных навук, былая кіраўніца Магілёўскага аддзялення міжнароднага аб'яднання «Экапраект». Удзельнічала ў навуковых канферэнцыях, звязаных з экалогіяй і ўрбаністыкай.
У БРУ ў розны час была дацэнтам кафедры «Бяспека жыццядзейнасці», а таксама загадчыцай кафедры «Аўтамабільныя дарогі».
Чытайце таксама:
Прадпрымальніка з Магілёва асудзілі за фота перамяшчэння расійскай вайсковай Z-тэхнікі
Магілёўскаму сацыёлагу Бубнову далі два гады зняволення за навуковы артыкул