U Mahilovie vučonaj-ekołahu dali dva hady kałonii za «raspalvańnie varožaści»
Mahiloŭski abłasny sud 23 žniŭnia vynies prysud 47-hadovaj kandydatcy hieahrafičnych navuk, byłoj zahadčycy kafiedry Biełaruska-rasijskaha ŭniviersiteta Hańnie Skryhan, piša Mayday.
Hanna Skryhan. Fota: sacsietki
Sud pryznaŭ žančynu vinavataj u «raspalvańni varožaści» (art.130 KK RB) i pryznačyŭ pakarańnie dva hady kałonii ahulnaha režymu.
Padrabiaznaści pracesu i kryminalnaj spravy nieviadomyja, sud prachodziŭ u zakrytym režymie.
Hanna Skryhan — kandydat hieahrafičnych navuk, byłaja kiraŭnica Mahiloŭskaha adździaleńnia mižnarodnaha abjadnańnia «Ekaprajekt». Udzielničała ŭ navukovych kanfierencyjach, źviazanych z ekałohijaj i ŭrbanistykaj.
U BRU ŭ rozny čas była dacentam kafiedry «Biaśpieka žyćciadziejnaści», a taksama zahadčycaj kafiedry «Aŭtamabilnyja darohi».
Čytajcie taksama:
Pradprymalnika z Mahilova asudzili za fota pieramiaščeńnia rasijskaj vajskovaj Z-techniki
Mahiloŭskamu sacyjołahu Bubnovu dali dva hady źniavoleńnia za navukovy artykuł