Амаль тры месяцы разглядаюць крымінальную справу былога сілавіка Сяргея Ціхага
Яго абвінавачваюць у распаўсюдзе службовай таямніцы (ч.1 арт. 375 КК) і дзяржаўнай таямніцы (ч. 2 арт. 373 КК). Справу Ціхага з 12 чэрвеня разглядае суддзя Аляксандр Козел, паведамляе «Вясна».
Сергей Ціхі
Судовы працэс праходзіць у закрытым рэжыме, таму пра абставіны справы пакуль нічога невядома. Даныя пра Сяргея Ціхага супадаюць з данымі пра былога начальніка аддзялення па наркакантролі і супрацьдзеянні гандлю людзьмі Гродзенскага РАУС Ціхага Сяргея Уладзіміравіча, піша Hrodna.life.
30-гадовы Сяргей трапіў у тэлеграм-канал «Дошка ганьбы Рэспублікі Беларусь». Там сцвярджалі, што ён нібыта «фабрыкаваў справы паводле арт.328 КК», а таксама «здзекаваўся з затрыманых, прыкоўваў да батарэі».
Наколькі гэта адпавядае рэчаіснасці — невядома.
Чытайце таксама:
За ўдзел у пратэстах затрымалі Уладзіслава Яроцкага
За падпіску на тры «экстрэмісцкія» рэсурсы арыштавалі работніка «Нафтана»