Amal try miesiacy razhladajuć kryminalnuju spravu byłoha siłavika Siarhieja Cichaha
Jaho abvinavačvajuć u raspaŭsiudzie słužbovaj tajamnicy (č.1 art. 375 KK) i dziaržaŭnaj tajamnicy (č. 2 art. 373 KK). Spravu Cichaha z 12 červienia razhladaje sudździa Alaksandr Kozieł, paviedamlaje «Viasna».
Sierhiej Cichi
Sudovy praces prachodzić u zakrytym režymie, tamu pra abstaviny spravy pakul ničoha nieviadoma. Danyja pra Siarhieja Cichaha supadajuć z danymi pra byłoha načalnika adździaleńnia pa narkakantroli i supraćdziejańni handlu ludźmi Hrodzienskaha RAUS Cichaha Siarhieja Uładzimiraviča, piša Hrodna.life.
30-hadovy Siarhiej trapiŭ u telehram-kanał «Doška hańby Respubliki Biełaruś». Tam śćviardžali, što jon nibyta «fabrykavaŭ spravy pavodle art.328 KK», a taksama «ździekavaŭsia z zatrymanych, prykoŭvaŭ da batarei».
Nakolki heta adpaviadaje rečaisnaści — nieviadoma.
Čytajcie taksama:
Za ŭdzieł u pratestach zatrymali Uładzisłava Jarockaha
Za padpisku na try «ekstremisckija» resursy aryštavali rabotnika «Naftana»