Затрымалі ксяндза Вячаслава Пялінака
Сёння стала вядома пра затрыманне ксяндза Вячаслава Пялінака. Святару 48 гадоў, у святарстве 21 год. Ён з'яўляецца святаром Віцебскай дыяцэзіі, але цяпер служыць у парафіі Узвышэння Св. Крыжа ў Брэсце, піша «Хрысціянская візія».
Паводле інфармацыі вернікаў парафіі, дзе служыць ксёндз Вячаслаў Пялінак, ён быў затрыманы пасля ранішняга набажэнства, ягоныя тэлефон і ноўтбук былі адабраныя сілавікамі.
Прычыны затрымання святара невядомыя.
Ксёндз Вячаслаў Пялінак быў першым асабістым сакратаром апостальскага нунцыя ў Беларусі арцыбіскупа Клаўдыё Гуджэроцці.
Чытайце таксама:
Славутага ксяндза Генрыха Акалатовіча затрымалі. Магчыма, вінавацяць у «здрадзе радзіме»
Затрымалі і аштрафавалі за «экстрэмізм» ксяндза з Новалукомля
Гродзенскага святара аштрафавалі за падпіску на інстаграм земляка і забралі тэлефон