Zatrymali ksiandza Viačasłava Pialinaka
Siońnia stała viadoma pra zatrymańnie ksiandza Viačasłava Pialinaka. Śviataru 48 hadoŭ, u śviatarstvie 21 hod. Jon źjaŭlajecca śviatarom Viciebskaj dyjacezii, ale ciapier słužyć u parafii Uzvyšeńnia Sv. Kryža ŭ Breście, piša «Chryścijanskaja vizija».
Pavodle infarmacyi viernikaŭ parafii, dzie słužyć ksiondz Viačasłaŭ Pialinak, jon byŭ zatrymany paśla ranišniaha nabaženstva, jahonyja telefon i noŭtbuk byli adabranyja siłavikami.
Pryčyny zatrymańnia śviatara nieviadomyja.
Ksiondz Viačasłaŭ Pialinak byŭ pieršym asabistym sakratarom apostalskaha nuncyja ŭ Biełarusi arcybiskupa Kłaŭdyjo Hudžeroćci.
Čytajcie taksama:
Słavutaha ksiandza Hienrycha Akałatoviča zatrymali. Mahčyma, vinavaciać u «zdradzie radzimie»
Zatrymali i aštrafavali za «ekstremizm» ksiandza z Novałukomla
Hrodzienskaha śviatara aštrafavali za padpisku na instahram ziemlaka i zabrali telefon