Зʼявілася новае відэа начнога пажару ў мінскім рэстаране
Пажар у бары Maslow6, што на вуліцы Інтэрнацыянальнай, 25а ў Мінску, здарыўся ўначы 9 снежня. Новае відэа здарэння апублікавала ў інстаграме alika__art.
«Калі нас адрэзала ад уваходу і ў паніцы людзі выломвалі нагамі дзверы на балкон (якія адсоўваліся ў бок), было страшна. Дзякуй бармэну, які ўсіх выратаваў», — напісала дзяўчына.
Яна дадала, што «кінула ўсе сумкі на бары, прысела і папаўзла да выхаду». Паводле яе, прычынай пажару стала тое, што афіцыянт высока падняў свечку-фантан.
Як бачна на відэа, спачатку загарэлася ёлка, што вісела на столі, а потым і тканіна.
Усё здарэнне заняло лічаныя хвіліны.
Пацярпелых у пажары не было, 30 наведнікаў самастойна пакінулі будынак, паведамляла МНС.