Zjaviłasia novaje videa načnoha pažaru ŭ minskim restaranie
Pažar u bary Maslow6, što na vulicy Internacyjanalnaj, 25a ŭ Minsku, zdaryŭsia ŭnačy 9 śniežnia. Novaje videa zdareńnia apublikavała ŭ instahramie alika__art.
«Kali nas adrezała ad uvachodu i ŭ panicy ludzi vyłomvali nahami dźviery na bałkon (jakija adsoŭvalisia ŭ bok), było strašna. Dziakuj barmenu, jaki ŭsich vyratavaŭ», — napisała dziaŭčyna.
Jana dadała, što «kinuła ŭsie sumki na bary, prysieła i papaŭzła da vychadu». Pavodle jaje, pryčynaj pažaru stała toje, što aficyjant vysoka padniaŭ śviečku-fantan.
Jak bačna na videa, spačatku zaharełasia jołka, što visieła na stoli, a potym i tkanina.
Usio zdareńnie zaniało ličanyja chviliny.
Paciarpiełych u pažary nie było, 30 naviednikaŭ samastojna pakinuli budynak, paviedamlała MNS.