Затрымалі народнага майстра Беларусі Юрася Камандзірчыка
Пра затрыманне разьбяра па дрэве, народнага майстра Беларусі Юрася Камандзірчыка паведамляе «Позірк». Паводле яго ананімнай крыніцы, сілавікі прыйшлі да Камандзірчыка дадому.
Паводле звестак крыніцы, майстар ад'язджаў за мяжу на працу і вярнуўся ў Беларусь, каб аформіць пенсію. Сам Камандзірчык напісаў пра вяртанне ў фэйсбуку ў канцы 2023 года. Падставы затрымання невядомыя.
62-гадовы Юрась Камандзірчык — сябра Саюза народных майстроў, з 2021 года Народны майстар Беларусі. Жыве ў Мядзелі.
Ён адзін з аўтараў мемарыяльнага крыжа беларускаму дзеячу Вацлаву Ластоўскаму на месцы масавага пахавання ахвяр сталінскіх рэпрэсій ва ўрочышчы Курапаты пад Мінскам. Ягоныя работы размешчаныя ў розных месцах Беларусі.
Чытайце таксама:
Гэта камандзір драўлянага войска з перунамі, стральцамі, зубрамі і мядзведзямі з Нарачанскага краю
Зноў апаганілі мемарыяльны крыж Вацлаву Ластоўскаму ў Курапатах
У Курапатах паставілі разьблёны крыж у памяць Вацлава Ластоўскага ФОТА