Zatrymali narodnaha majstra Biełarusi Jurasia Kamandzirčyka
Pra zatrymańnie raźbiara pa drevie, narodnaha majstra Biełarusi Jurasia Kamandzirčyka paviedamlaje «Pozirk». Pavodle jaho ananimnaj krynicy, siłaviki pryjšli da Kamandzirčyka dadomu.
Pavodle źviestak krynicy, majstar adjazdžaŭ za miažu na pracu i viarnuŭsia ŭ Biełaruś, kab aformić piensiju. Sam Kamandzirčyk napisaŭ pra viartańnie ŭ fejsbuku ŭ kancy 2023 hoda. Padstavy zatrymańnia nieviadomyja.
62-hadovy Juraś Kamandzirčyk — siabra Sajuza narodnych majstroŭ, z 2021 hoda Narodny majstar Biełarusi. Žyvie ŭ Miadzieli.
Jon adzin z aŭtaraŭ miemaryjalnaha kryža biełaruskamu dziejaču Vacłavu Łastoŭskamu na miescy masavaha pachavańnia achviar stalinskich represij va ŭročyščy Kurapaty pad Minskam. Jahonyja raboty raźmieščanyja ŭ roznych miescach Biełarusi.
Čytajcie taksama:
Znoŭ apahanili miemaryjalny kryž Vacłavu Łastoŭskamu ŭ Kurapatach
U Kurapatach pastavili raźblony kryž u pamiać Vacłava Łastoŭskaha FOTA