Беларускі пасол узяў удзел у «Бессмяротным палку» ў Бялградзе
У сталіцы Сербіі адбыўся марш «Бессмяротны полк», прысвечаны даце 9 мая. На ім, як паведамляецца, прысутнічалі сербскія міністры, а таксама паслы Расіі, Беларусі, Азербайджана і Казахстана.
На чале калоны, якая ішла да помніка вызваліцелям Бялграда, ішоў Ненад Попавіч — міністр без партфеля ва ўрадзе Сербіі, які знаходзіцца пад санкцыямі ЗША праз сувязі з Расіяй.
Удзельнікі марша вывесілі вялікі банер «Бесмртни пук Србиjа», а таксама сцягі Расіі, Беларусі і Сербіі. Некаторыя з прысутных таксама насілі георгіеўскія стужкі і сімвалы падтрымкі расійскага ўварвання ва Украіну, у прыватнасці літару Z.
Чытайце таксама:
У Брэсце ў акцыі «Бессмяротны полк» удзельнічала калона з акупаванай Запарожскай вобласці
У Мінску і абласных цэнтрах прайшлі шэсці «Бессмяротнага палка» пад савецкімі сцягамі ФОТЫ
У Магілёве правялі парад дашкольнікаў — усіх апранулі ў ваенную форму