Biełaruski pasoł uziaŭ udzieł u «Bieśśmiarotnym pałku» ŭ Białhradzie
U stalicy Sierbii adbyŭsia marš «Bieśśmiarotny połk», pryśviečany dacie 9 maja. Na im, jak paviedamlajecca, prysutničali sierbskija ministry, a taksama pasły Rasii, Biełarusi, Azierbajdžana i Kazachstana.
Na čale kałony, jakaja išła da pomnika vyzvalicielam Białhrada, išoŭ Nienad Popavič — ministr biez partfiela va ŭradzie Sierbii, jaki znachodzicca pad sankcyjami ZŠA praz suviazi z Rasijaj.
Udzielniki marša vyviesili vialiki banier «Biesmrtni puk Srbija», a taksama ściahi Rasii, Biełarusi i Sierbii. Niekatoryja z prysutnych taksama nasili hieorhijeŭskija stužki i simvały padtrymki rasijskaha ŭvarvańnia va Ukrainu, u pryvatnaści litaru Z.
Čytajcie taksama:
U Breście ŭ akcyi «Bieśśmiarotny połk» udzielničała kałona z akupavanaj Zaparožskaj vobłaści
U Minsku i abłasnych centrach prajšli šeści «Bieśśmiarotnaha pałka» pad savieckimi ściahami FOTY
U Mahilovie praviali parad daškolnikaŭ — usich apranuli ŭ vajennuju formu