Памятаеце, як па Магілёве гуляў табун коней? Цяпер у тым самым двары пасецца статак кароў ВІДЭА

«Добра, што яны не лётаюць».

Скрыншот відэа

Кароў, якія мірна пасвяцца і скубуць траву, заўважылі ў адным з двароў на вуліцы Куцепава ў Магілёве.

Цікава, што менавіта на гэтай вуліцы некалькі разоў заўважалі табун коней, які належыць мясцовым цыганам.

«Коней мы бачылі, яны часта гуляюць. Але цяпер ужо і каровы з'явіліся, ё-маё. Добра, што яны не лётаюць. Нейкі цуд», — расказвае аўтар відэа.

@gargantyagal

♬ оригинальный звук - gargantyagal

Каментатары жартуюць, што ў камунальнікаў скончыліся газонакасілкі, і яны закупілі цяпер вось такія — бясшумныя. Іншыя радуюцца, што прырода цяпер даступная і гараджанам.

Мясцовыя жыхары пішуць, што побач ёсць прыватны сектар, таму статку кароў моцна здзіўляцца не варта.

Увогуле ж каментатары сышліся ў думцы, што каровы выглядаюць дагледжанымі і свойскімі.

Каментары да артыкула