Адбылася аварыя на каналізацыйным трубаправодзе ЦЭЦ-3 у Мінску
23 студзеня на каналізацыйным трубаправодзе Мінскай ЦЭЦ-3 адбылася аварыя. Адміністрацыя Заводскага раёна Менска заяўляе, што ўцечка сцёкавых вод прадухіленая.
«23 студзеня адбыўся злом ведамаснага каналізацыйнага трубаправода (ЦЭЦ-3 РУП «Мінскэнерга»). Уласнікам аператыўна прыняты меры па прадухіленні ўцечкі сцёкавых вод. Іншыя спажыўцы не пацярпелі. На 19:00 24 студзеня рамонтныя работы завершаныя», — заявіў першы намеснік кіраўніка адміністрацыі Заводскага раёна Дзмітрый Марцінкевіч.
Чыноўнікі падкрэслілі, што інфармацыя пра аварыю калектара ў Дражні, якая з'явілася ў сацсетках, з'яўляецца некарэктнай. Насамрэч інцыдэнт нібыта адбыўся ў раёне вуліцы Алтайская.
Чытайце таксама:
У будынку Крупскага цэнтра культуры быў пажар
На месцы згарэлага гандлёвага цэнтра ў Віцебску могуць зноў пабудаваць кінатэатр