Асабістыя рэчы Марыі Зайцавай перадалі ў музей Вольнай Беларусі ў Львове
Байцы 2-га Інтэрнацыянальнага Легіёна перадалі асабістыя рэчы беларускай добраахвотніцы Марыі Зайцавай, якая загінула, абараняючы Украіну, у музей «Вольная Беларусь з Украінай у сэрцы» ў Львове. Пра гэта піша тэлеграм-канал «ВІЛЬНА БІЛОРУСЬ».
«Марыя жыла як герой і па-геройску аддала сваё жыццё ва Украіне за нашу з вамі свабоду. Яна будзе жыць вечна ў сэрцах усіх вольных беларусаў», — пішуць аўтары паста.
24-гадовая беларуска Марыя Зайцава, загінула пад Пакроўскім 17 студзеня 2025 года.
Пра яе пахаванне пакуль не паведамлялася.