Asabistyja rečy Maryi Zajcavaj pieradali ŭ muziej Volnaj Biełarusi ŭ Lvovie
Bajcy 2-ha Internacyjanalnaha Lehijona pieradali asabistyja rečy biełaruskaj dobraachvotnicy Maryi Zajcavaj, jakaja zahinuła, abaraniajučy Ukrainu, u muziej «Volnaja Biełaruś z Ukrainaj u sercy» ŭ Lvovie. Pra heta piša telehram-kanał «VILNA BIŁORUŚ».
«Maryja žyła jak hieroj i pa-hierojsku addała svajo žyćcio va Ukrainie za našu z vami svabodu. Jana budzie žyć viečna ŭ sercach usich volnych biełarusaŭ», — pišuć aŭtary pasta.
24-hadovaja biełaruska Maryja Zajcava, zahinuła pad Pakroŭskim 17 studzienia 2025 hoda.
Pra jaje pachavańnie pakul nie paviedamlałasia.