Футбольная зборная Беларусі згуляе ў чэрвені з расіянамі

Беларуская федэрацыя футбола анансавала таварыскі матч з нацыянальнай камандай Расіі. Пра гэта паведамляецца на афіцыйным сайце БФФ.

Фота: team.abff.by

Матч зборнай Беларусі са зборнай Расіі пройдзе 10 чэрвеня ў Мінску. Пры гэтым заяўляецца, што месца і дакладны час спарынгу стануць вядомыя пазней.

Раней казалася, што гэты матч збіраюцца правесці на новым Нацыяльным футбольным стадыёне ў Мінску, які неўзабаве плануюць адкрыць. У якасці прыблізнага тэрміну называўся май 2025 года. Ужо 24 мая там павінен прайсці фінальны матч Кубка Беларусі.

Магчыма, цяперашняя няўпэўненасць у месцы правядзення сведчыць пра тое, што са здачай аб'екта ў вызначаныя тэрміны зноў могуць быць праблемы. 

Раней зборныя Беларусі і Расіі сустракаліся паміж сабой пяць разоў. У трох выпадках поспех быў на баку расіян, адзін раз перамаглі беларусы, а аднойчы была зафіксаваная нічыя. У мінулым годзе 7 чэрвеня на стадыёне «Дынама» зборная Расіі перамагла з лікам 4:0.

Каментары да артыкула