Futbolnaja zbornaja Biełarusi zhulaje ŭ červieni z rasijanami

Biełaruskaja fiederacyja futboła anansavała tavaryski matč z nacyjanalnaj kamandaj Rasii. Pra heta paviedamlajecca na aficyjnym sajcie BFF.

Fota: team.abff.by

Matč zbornaj Biełarusi sa zbornaj Rasii projdzie 10 červienia ŭ Minsku. Pry hetym zajaŭlajecca, što miesca i dakładny čas sparynhu stanuć viadomyja paźniej.

Raniej kazałasia, što hety matč źbirajucca pravieści na novym Nacyjalnym futbolnym stadyjonie ŭ Minsku, jaki nieŭzabavie płanujuć adkryć. U jakaści prybliznaha terminu nazyvaŭsia maj 2025 hoda. Užo 24 maja tam pavinien prajści finalny matč Kubka Biełarusi.

Mahčyma, ciapierašniaja niaŭpeŭnienaść u miescy praviadzieńnia śviedčyć pra toje, što sa zdačaj abjekta ŭ vyznačanyja terminy znoŭ mohuć być prablemy. 

Raniej zbornyja Biełarusi i Rasii sustrakalisia pamiž saboj piać razoŭ. U troch vypadkach pośpiech byŭ na baku rasijan, adzin raz pieramahli biełarusy, a adnojčy była zafiksavanaja ničyja. U minułym hodzie 7 červienia na stadyjonie «Dynama» zbornaja Rasii pieramahła ź likam 4:0.

Kamientary da artykuła