Оле-Эйнар Б'ёрндален больш не рэкардсмен па перамогах на чэмпіянатах свету
Пяціразовы алімпійскі чэмпіён з Нарвегіі 31-гадовы Ёханэс Цінэс Бё перакрыў дасягненне свайго суайчынніка, васьміразовага алімпійскага чэмпіёна і мужа беларускі Дар'і Домрачавай Оле-Эйнара Б'ёрндалена па залатых медалях чэмпіянатаў свету па біятлоне.
Ёханэс Цінэс Бё. Фота: AP Photo/Matthias Schrader
Атрымаўшы перамогу ў спрынце на чэмпіянаце свету ў швейцарскім Ленцэрхайдэ, Ёханэс Бё заваяваў 21-е па ліку золата сусветнага першынства. У Б'ёрндалена было 20 перамог на турнірах такога ўзроўню.
Серабро і бронзу ў гэтай гонцы заваявалі амерыканец Кэмпбел Райт і француз Кентэн Фіён Мае.
Пабіць дасягненне Оле-Эйнара Б'ёрндалена па колькасці залатых алімпійскіх медалёў Ёханэсу Бё, відаць, не суджана, бо ў студзені 2025 года ён абвясціў пра свой намер пасля гэтага сезону завяршыць спартыўную кар'еру.
Чытайце таксама:
На трасе ў Раўбічах заўважылі мужа Дар'і Домрачавай ВІДЭА
Б'ёрндален адмаўляецца ад працы трэнерам, каб быць больш з сям'ёй
Беларускія біятланісты прапусцяць спаборніцтвы дзеля ўдзелу ў выбарах