57,78% наведнікаў сайту BBC мяркуюць, што патрабаваньне Лукашэнкі
купляць газ па расейскіх коштах несправядлівае
На сайце расейскай службы радыёстанцыі BBC (BBC ) праводзіцца апытаньне: "Ці справядлівыя патрабаваньні Лукашэнкі атрымліваць газ па ўнутрырасейскай цане".
Па стане на 13.55 паводле менскага часу панядзелка 33,02% карыстальнікаў, што ўзялі ўдзел у галасаваньні, мяркуюць, што патрабаваньні беларускага кіраўніка справядлівыя. 57,78% - што несправядлівыя. 9,2% ня вызначыліся з адказам. Усяго ўдзел у галасаваньні ўзялі 1 902 асобы. Прычым адказы "за Лукашэнку" паступова павялічваюцца.
Сайт расейскай службы BBC досыць аўтарытэтны і скіраваны на "прасунутую" ў палітычным сэнсе аўдыторыю, збольшага пазбаўленай ура-патрыятызму і ксэнафобіі.