57,78% naviednikaŭ sajtu BBC miarkujuć, što patrabavańnie Łukašenki
kuplać haz pa rasiejskich koštach niespraviadlivaje
Na sajcie rasiejskaj słužby radyjostancyi BBC (BBC ) pravodzicca apytańnie: "Ci spraviadlivyja patrabavańni Łukašenki atrymlivać haz pa ŭnutryrasiejskaj canie".
Pa stanie na 13.55 pavodle mienskaha času paniadziełka 33,02% karystalnikaŭ, što ŭziali ŭdzieł u hałasavańni, miarkujuć, što patrabavańni biełaruskaha kiraŭnika spraviadlivyja. 57,78% - što niespraviadlivyja. 9,2% nia vyznačylisia z adkazam. Usiaho ŭdzieł u hałasavańni ŭziali 1 902 asoby. Pryčym adkazy "za Łukašenku" pastupova pavialičvajucca.
Sajt rasiejskaj słužby BBC dosyć aŭtarytetny i skiravany na "prasunutuju" ŭ palityčnym sensie aŭdytoryju, zbolšaha pazbaŭlenaj ura-patryjatyzmu i ksenafobii.