Расійскія прапагандысты прывезлі ў Беларусь выставу пра жанчын пуцінскіх «герояў»
Фотавыставу пра жонак, маці і сясцёр расійскіх вайскоўцаў, якія ўдзельнічаюць у захопніцкай вайне ва Украіны, зладзілі ў Рускім доме ў Гродне. Яе прывезлі з расійскага Бранска.
На выставе прадстаўленыя фотапартрэты 38 жыхарак Бранскай вобласці — сваячак расійскіх вайскоўцаў. Яны суправаджаюцца пафаснымі словамі і «пранікнёнымі жаночымі гісторыямі». Абавязковым элементам усіх фотаздымкаў прысутнічае вайсковы кіцель.
Падобныя фотавыставы працуюць у розных гарадах Расіі, а цяпер іх распаўсюдзілі, як выглядае, і на Беларусь.
Чытайце таксама:
Адны ў эйфарыі, другія ў роспачы. Z-каналы падзяліліся ў ацэнках сустрэчы ў Эр-Рыядзе
Беларус, які ваяваў на баку Расіі, скардзіцца, што не можа звольніцца са службы і атрымаць выплаты