Яшчэ адну супрацоўніцу «Пеленга» судзяць за «заклікі да прычынення шкоды Беларусі»
Ірыне Суржык пагражае ад 4 да 12 гадоў калоніі.
Ірына Суржык
Ірына Суржык з Мінска. Яна вучылася ў Беларускім нацыянальным тэхнічным універсітэце. Вядома, што больш за 15 гадоў Ірына працуе на ААТ «Пеленг» — найбуйнейшым праектна-канструктарскім прадпрыемстве аптычна-электроннай прамысловасці.
Апошнім часам Суржык была інжынерам-канструктарам 1 катэгорыі ў навукова-канструктарскім упраўленні СКС (яго яшчэ называюцца «дваццаткай») у сектары сістэмнага забеспячэння вытворчасці.
Хутчэй за ўсё, жанчыну затрымалі падчас аблавы на «Пеленг», якая пачалася мінулым летам. Невядома, ці скончылася яна дагэтуль.
Суд над Ірынай пачынаецца 12 сакавіка 2025 года ў Мінскім гарадскім судзе. Ірыне пагражае ад чатырох да дванаццаці гадоў калоніі за «заклікі да прычынення шкоды Беларусі» (ч.3 арт. 361 Крымінальнага кодэкса Беларусі)
Нагадаем, нядаўна асудзілі яшчэ адну супрацоўніцу «Пеленга» — 29-гадовую Карыну Праташчык. Ёй па тым жа артыкуле, але іншай яго частцы, прысудзілі два гады калоніі.
Чытайце таксама:
Гісторыя арышту мазырскай блогеркі, якая некалькі гадоў хавалася ад сілавікоў, аказалася драматычнай