«Дзед адсыпаў пазногцяў». І як гэта разумець?

Не кожны дарослы спанатрыць, што кажуць падлеткі з пакалення Альфа — народжаныя ў 2010-х. 

Ілюстрацыйнае фота: Наша Ніва

Для старэйшага пакалення дужка — сімвал усмешкі, пазітыўнай рэакцыі на мінулае паведамленне і, радзей, сарказму. Для падлеткаў — гэта банальнасць і перажытак. І гэта не адзіны такі прыклад.

Дужку «)» падлеткі называюць пазногцем. А выкарыстанне некалькіх дужак адразу «))))» у інтэрнэце называюць «дзед зноў пазногцяў насыпаў».

У беларускіх сацыяльных сетках выраз яшчэ толькі пачынае выкарыстоўвацца, але ён папулярны ў расійскамоўным і ўкраінамоўным сегменце інтэрнэту.

Посмотреть в Threads

У тыктоку блогеры здымаюць свае рэакцыі на моладзевы слэнг і здзіўляюцца таму, як хутка іх звычкі сталі лічыцца «дзядоўскімі».

@wi_ll_wi че наху #альфа #fyp #рек #늙음필터 ♬ original sound - B

Некаторыя карыстальнікі пішуць, што не сутыкаліся з такім слэнгам ад сваіх малодшых братоў і сясцёр, якія лічацца пакаленнем Альфа.

Выглядае на тое, што большасць пастоў у інтэрнэце прысвечана менавіта рэакцыі на выраз «дзед пазногцяў насыпаў», а сама фраза так і не стала папулярнай сярод падлеткаў.

Каментары да артыкула