Тарыфы Трампа ўступілі ў сілу
На Усходнім узбярэжжы ЗША ў 00:00 9 красавіка (07:00 па Мінску) уступілі ў сілу абвешчаныя прэзідэнтам Трампам пошліны на імпарт з амаль усіх краін свету.
Фота: Christopher Furlong / Getty Images
Індэксы амаль усіх ужо адкрытых азіяцкіх біржаў працягнулі падзенне. Такійскі Nikkei 225, у прыватнасці, пасля адкрыцця знізіўся на 2,6%, тайваньскі Taiex — на 4%, піша Бі-бі-сі.
Не падае пакуль толькі шанхайскі SSE Composite — ён падрос на дзве дзясятыя працэнта.
Тым часам цэны на нафту ў чаканні сусветнага спаду і, адпаведна, скарачэння попыту, апусціліся ніжэй за ўзровень чатырохгадовай даўнасці: цана барэля Brent складае ўжо толькі крыху больш за 60 даляраў.
Чытайце таксама:
ЗША ўвялі супраць Кітая тарыфы 104%
Трамп пагражае Кітаю новымі гіганцкімі мытамі, але азіяцкія біржы растуць