Кірыл Руды рэлакаваўся ў ААЭ
Былы памочнік Лукашэнкі і пасол Беларусі ў Кітаі, доктар эканамічных навук, прафесар Кірыл Руды пераехаў у Аб'яднаныя Арабскія Эміраты, піша Office Life.
Кірыл Руды
«Я змяніў свой погляд на Блізкі Усход. Так што для любых асабістых сустрэч я буду ў асноўным даступны ў ААЭ», — напісаў вядомы эканаміст у сацсетках.
Кірыл Руды быў памочнікам Лукашэнкі па эканамічных пытаннях (2013-2016), паслом Беларусі ў Кітаі (2016-2020). Пакінуўшы дзяржаўную службу, ён працаваў у сістэме Банка БелВЭБ і ўваходзіў у раду Банка развіцця. Потым Кірыл Руды некаторы час выкладаў у БДЭУ і выступаў у якасці кансультанта.
Летась яго запрасілі ў IT-кампанію Andersen Lab каардынаваць працу з дзяржорганамі розных краін. Акрамя таго, Руды мае частковую занятасць у якасці намесніка старшыні бізнэс-платформы Eurasia Gulf.
Чытайце таксама:
Кірыл Руды знайшоў сабе новую працу ў Дубаі, але зусім не па статусе